top of page
  • Култура β

Краток расказ од Сара Трајановска

Деновите минуваат, брзо, забрзано и на крај остануваме со уште само толку малку време на наше располагање. Се запрашуваме каде помина времето, како се променија толку многу нешта? Оставивме толку нешта недокажани, недопишани и незавршени, туку само онака висат во воздухот и како духови нè следат и прогонуваат, како некоја незаминлива сенка. Каде отиде тоа детство, тие безгрижни денови кои сме ги поминувале играјќи позади зградата, бркајќи се еден со друг, пред цигарите на големиот одмор и ноќните пијанства во парк, пред неуспешните врски и пред целата оваа болка. Кога сакавме онака чисто, детски и кога не знаевме колку ќе боли кога ќе се заљубиме во некој кој што си игра со нас како ние што си игравме со топката. Пред да дознаеме колку е немилостив животот и колку боли реалноста. Се сеќавам кога најголемиот страв ми беше дали ќе можам следниот ден повторно да играм фудбал поради раната на коленото, а не тоа дали ќе ја пројдам годината, или пак на која од моите другарки ќе им го скршат срцето. Не ми беше страв дека ќе пораснам, и дека ќе ги заборавам сите тие дружења, и смеење, и кршење прозорци, и вонемирување на соседите бидејќи бевме до толку гласни. Не ми беше страв декСеа другарките ќе ме заборават, и дека ќе си продолжат со својот живот додека јас сеуште се присеќавам на тие среќни моменти. Не ми беше страв дури и од тоа да го кажам моето мислење и дека нема да бидам судена, бидејќи сепак бев дете и никој не ме слушаше. И не ми беше страв дека летото онака ќе помине, а јас ништо не сум постигнала, бидејќи да го поминам денот со другарите ми беше најважно. Но изгледа дека тоа веќе не е доволно.


 

Новиот краток расказ е од Сара Трајановска. Пишува веќе три години, вели и дека црта од кога знае за себе, а се занимава и со глума. Ни кажува дека моментално е фокусирана на ликовната уметност и дека е во процес на пишување на својата прва книга.

14 views

Recent Posts

See All

Таа имаше љубов подлабока од морето, и душа поголема од универзумот. Ќе дадеше сè од себе за тие околу неа да се среќни, не обрнуваше многу внимание за себе. Сè додека не ја запозна својата прва љубов

bottom of page