• Култура β

Понекогаш боли - Бесјона Јусуфи

Дај ми сила да се соочам

со секој предизвик

што животот го измислил.

Како секоја научена лекција,

како секоја надеж

што овој живот ја прифатил.

И желбата за да не се откажам,

бидејќи овој свет секогаш боцка, предизвикува…

Не си свесен дека сѐ уште учиш,

не си свесен дека светлината

повторно никнува…

И болката, колку строга, горка…

Можеби и без мирис, без вкус

душата трепери и на Бог се моли,

скриена под една сенка,

беспомошно,

бидејќи понекогаш боли…

 

Бесјона Јусуфи е поетесата која зема учество во четвртиот ден од двете поетски недели на Култура Бета. Таа доаѓа од Битола, пишува поезија на сите јазици кои ги познава и говори, а студира англиски и албански јазик и книжевност.

162 views