• Култура β

Пофална песна за едната - Ана Ристова


Една заслужува.

Една ми е смислата и драмата,

една ме води, ми покажува кај да одам,

кај е право, што да правам.


Таа едната е мој поим,

моја дефиниција.

Ме оформи, ме обликуваше,

како грнчар мека глина,

нечујно ми ја одзеде душата,

а ми ја врати најчиста на светов.

Го доживеав најкраткото

и најбезболното лекување.


Мојата една дојде како снег во март,

никна како кокиче во јануари,

се појави како едно славејче еднаш под прозорецот кога ме развеселуваше


Мојата една е толку ненадејна, спонтана и прекрасна,

мојата една е како од светот на идеите на Платон,

мојата една е единствената нота со смисла која ја слушам во џагорот, единственото нешто кое што го препознавам на затемнување кога не гледам, таа е единствено сонце, единствена сила која што ме држи и одржува, единствената смисла на мојата егзистенција.


 

Ана е нашата прва ẞ-поетеса! Вели дека пишувањето и е огромна љубов и пасија, а пишува скоро една година. Сака кога поезијата ќе ја земе во нејзиниот свет и ѝ помага да ја заборави реалноста. Со пишувањето си креира своја реалност, таму ги возвишува и идеализира своите музи и често ја поврзува поезијата со музиката и философијата. Дел од нејзината поезија ја има објавено на инстаграм профилот на Радио МОФ, а сега се претставува и на Култура ẞ!


9 views