Првиот уметник на неделата (2-8.3.2020) е Милош Мициќ. Негово хоби е фотографирање за кое вели дека премногу го релаксира. Голем фан е на аналогната фотографија бидејќи како што самиот ни кажува дофаќа некои чувства кои не може да се искажат преку дигиталната фотографија. Моментот што го внел во таа сфера е чувството каде што ни самиот не знаеш како ќе излезе фотографијата, дали ќе испадне или не. Ни кажа и дека во скоро време не планира да влезе во дигиталниот свет бидејќи во аналогната фотографија има уште многу за истражување и учење.
