Режија: Милчо Манчевски
Улоги: Борче Начев, Весна Станоевска, Сабина Ајрула-Тозија
Година: 2007
Земја на потекло: Македонија
Времетраење: 120’
Жанр: Хорор, трилер, драма
Добри македонски филмови постојат. Точка.
Имено, „Сенки“ е филм кој го следи Лазар, млад и успешен доктор, со сопруга и детенце, богати родители и куќа во Охрид со најубавиот поглед на светот. Но, како што може да се очекува, не е баш сѐ така како што изгледа. Особено не откако доживува сообраќајна несреќа. По закрепнувањето, почнува да се соочува со чудни и нејасни луѓе и појави за кои се труди да разоткрие по нешто, но пред сѐ, значењето на фразата која тие му ја повторуваат – „Врати го она што не е твое“.
Покрај содржината која иако не е лесна, е особено интригантна и вредна за следење, причината поради која „Сенки“ ќе ви се допадне е аудио-визуелниот дел на филмот, но на чуден начин и мирисниот дел исто така. Ќе завршам со ова и ќе ме сфатите откако ќе гледате:
Сакам да седам на балкон со поглед на Охридско Езеро на зајдисонце, во позадина да ми пее „Еден Бакнеж“ од Нина Спирова и да ми мириса на липи и печени пиперки. Е, тоа да ми е животот.