Циклус млада словенечка поезија: „Сѐ што забележувам...“ од Лара Божак

Овој месец, поетската рубрика на платформите на „Култура Бета“ ја посветуваме на новата генерација словенечки поети и поетеси чии песни се поместени во антологијата со песни за војна „Крвав шах“. Во текот на целиот месец јули објавуваме неколкумина од застапените автори и авторки, а препевот од словенечки на македонски јазик го направи Стефан Спасовски.

„Крвав шах: песни за војна од новата генерација словенечки поет(ес)и“ (2026) е антологија во која се застапени словенечки поети и поетеси родени по 1990 година. Книгата е во издание на Словенечкиот ПЕН и Словенечкиот младински ПЕН како дел од одбележувањето на 100 години од Словенечкиот ПЕН. Антологијата е преведена на англиски јазик од Пино Пограјц, кој исто така е и уредник на изданието. Застапени се 39 песни кои ја прикажуваат младата поетска сцена во Словенија, нејзината посебност во однос на тематиката и стилот на пишување, но и силната општетсвена ангажираност.

Пролжуваме со поетесата Лара Божак која има објавено две збирки поезија. Таа, покрај тоа што занимава со пишување, е и вокал во етно-џез дуото „Peta stran neba“

*

сѐ што забележувам

е

нафта

горниот слој корка

на деловите од телото

се шири врз мене

тешка

густа

запаллива

*

каде да се скриеш

со своите корени

кога џиновски

косачи

се раштркуваат

дури под земјата

*