Ботаничка градина е градина посветена на собирање и одлгедување на широк спектар на растенија, кои обично се означени со нивните ботанички имиња. Во ваквите градини може да има од неколку стотици до неколку илјади различни видови растенија и тоа зависи од достапната површина, како и од финансиските и научните ресурси на институцијата.
Најпознати ботанички градини во светот се: Кралските ботанички градини во Кју (Англија), Индиската ботаничка градина (во близина на градот Хаора) и Националниот ботанички истражувачки институт во Лакнау (Индија).
Во светот има околу 2500 ботанички градини. Кралската ботаничка градина во Кју (Англија) е нaјголемата ботаничка градина во светот. Нејзината површина е 300 хектари и е дом на најголемата колекција на живи растенија во светот.